“İnter”də seleksiya məşqləri başa çatdı

"İnter"in Uşaq-Gənclər Futbol Məktəbi 5-15 yaşlı uşaq və yeniyetmələr arasında seleksiya məşqləri keçirib. Futbolxeber.az-ın məlumatına görə,  UGFM-nin direktoru Rövşən Babayev klubun rəsmi saytına açıqlamasında iki günü əhatə edən seçimlərdə ümumilikdə 496 nəfərin qatıldığını bildirib. 

 

2007-ci ildən bu günədək İnter Uşaq-Gənclər Futbol Məktəbində belə kütləvi xarakterli seçimlərin olmadığını vurğulayan R. Babayev regionlardan da uşaq və yeniyetmələrin də qatılmasından sevinc duyduqların əlavə edib.

 

R.Babayev seleksiya məşqlərini uğurla həyata keçirən məşqçilərə - Azər Cabbarova, Xəyyam Bəkirova, Arif Əmirxanova, Elmir Mirzəyevə, Vaqif Hidayətova, Vəli Hüseynova, Eldar Ağaxanova, Xəyal Mustafayevə, o cümlədən Xaçmaz rayonundan gəlmiş məşqçilərə - Zöhrab Mahmudova və Rəcəb Mahmudova, habelə məktəbin rəhbər heyətinin üzvlərinə - Rüstəm Əliyevə və qapıçılar üzrə koordinator Rauf Mehdiyevə təşəkkürünü bildirib.

 

Xatırladaq ki, UGFM-in U-19 komandasına seleksiya xarakterli məşqlər may ayının 26 və 27-də keçiriləcək.