Qurban Qurbanov: "Hakimin son fiti bizi rahatlaşdırdı"

Bu gün Azərbaycan kubokunda 2016/17 mövsümünün final oyunu çərçivəsində “Qarabağ” və “Qəbələ” komandaları üz-üzə gəlib. 

 

Naxçıvan Muxtar Respublika stadionundakı oyunda 0:2 hesabı ilə qələbə qazanan "Qarabağ" kluboka sahib çıxıb. Matçdan sonra qalib komandanın baş məşqçisi Qurban Qurbanov “CBC Sport”a açıqlama verib: “Ardıcıl 3-cü ildir ki, “qızıl dubl” edirik. Futbolçular buna layiq idilər. Çətin oyun keçməsinə baxmayaraq, qələbə qazandığımızı üçün çox sevinirəm. Futbolçulardan razı qaldım. Açığı, hesab 2:0 olduqdan sonra nisbətən arxayınlıq yarandı. Amma 3-5 dəqiqə sonra yenidən həyəcan yaşadıq. “Qəbələ” çox hücum etməyə başladı, qapımızda qol imkanları yaratdı. Yalnız hakimin son fiti bizi rahatlaşdırdı”.

 

O, hücumçu Dino Ndlovunun final qarşılaşmasında iştirak etməməsindən də söhbət açıb: “Dino iki gün əvvəl Bakıdakı məşqin sonunda əzələsində ağrı hiss etdi. Zədəsi var idi. Biz də onu riskə atmaq istəmədik”.