“Bakı” rəqib tanımır: “zolaqlılar”dan vacib qələbə

“Bakı” həvəskarlar liqasında növbəti oyununu keçirib.

Futbolxeber.az saytının məlumatına görə, “zolaqlılar” bu dəfə öz meydançasında bunadək xal itirməyən “Tufan”ı qəbul edib.

Əvvəlki görüşlərdən fərqli olaraq, “Bakı” bu dəfə rəqibini bazasındakı əsas meydançada qəbul edib. İdeal qazonu ilə göz oxşayan meydançada Novruz Əzimovun komandası növbəti qələbəsini qazanıb.

5 qol, 1 qırmızı, 2 penaltinin olduduğu matçın yekununda “Bakı” 3:2-lik qələbəyə sevinib.

Bununla da, “Bakı” 6-cı oyunda 5-ci qələbəsini qazanıb. Hazırda aktivində 16 xalı olan “zolaqlılar” 6 matçda 38 qol vurub.