“Qəbələ”: Qrup mərhələsinə düş, ölkə xaricinə toplanışına yollan

III turdan sonra Topaz Premyer Liqasında millinin oyunları ilə əlaqədar olaraq yaranacaq fasilə zamanı “Qəbələ” ölkə xaricinə təlim-məşq toplanışına yollana bilər. Bu haqda Futbolxeber.az saytına klubun vitse-prezidenti Fariz Nəcəfov məlumat verib. Klub rəsmisi qeyd edib ki, komanda Avroliqada qrup mərhələsinə yüksələcəyi halda, toplanışa yollanacaq. Lakin hələlik toplanışın hansı ölkədə olacağı məlum deyil. Belə ki, bir neçə variant üzərində düşündüklərini deyən Fariz Nəcəfov, məkanın “Maribor”la cavab oyunundan sonra müəyyənləşəcəyini bildirib.

Xatırladaq ki, “Qəbələ” ötən il 1 həftəlik Odessaya yollanmışdı.