“Xəzər Lənkəran”ın bərpa məşqi

Premyer Liqanın son turunda “Sumqayıt”a evdə məğlub olan “Xəzər Lənkəran” istirahətsiz hazırlıqlarını davam etdirir. Futbolxeber.az-ın məlumatına görə, komanda oktyabrın 29-da saat 12:00-da stadionun ehtiyat meydançasında oyunsonrası bərpa məşqini keçirib. Topsuz çalışmalar, müxtəlif fiziki hərəkətlərin yerinə yetirilməsindən ibarət olan və bir saatdan çox sürən hazırlıq prossesinin ardından futbolçular baza-oteldə istirahətə çəkiliblər. Növbəti məşq oktyabrın 30-da saat 16:00-da yenə də ehtiyat meydançada baş tutacaq.

Xatırladaq ki, “Xəzər Lənkəran” Premyer Liqanın XI turu çərçivəsində noyabrın 2-də səfərdə “Rəvan”la qarşılaşacaq.

Mənbə: 12cioyuncu.info