Hafiz Məmmədovdan futbolçulara mesaj: “Bakı” əvvəlkindən də güclü olacaq”

Son zamanlar problemlər yaşayan “Bakı”da vəziyyət düzəlir. Futbolxeber.az-ın məlumatına görə, şəxsi işlərini yoluna qoyan klub prezidenti Hafiz Məmmədov komandadakı çətinlikləri aradan qaldırır. Bu həftə komanda üzvlərinə avqust ayının maaşı ödəniləcək. Həmçinin bazadakı stadionların bərpasına da başlanılacaq. Hafiz Məmmədov tarixində ilk dəfə olaraq I divizionda çıxış edəcək “Bakı”nın futbolçularına mesaj da göndərib. Belə ki, klub prezidenti futbolçulara tezliklə start götürəcək yeni mövsümdə uğurlar arzulayıb. Məmmədov vurğulayıb ki, “Bakı”nın Premyer Liqadan kənarda qalması müvəqqəti haldır. Növbəti mövsümdən yenidən Premyer Liqada çıxış edəcək “Bakı”, əvvəlkindən də güclü olacaq.