“Kəpəz”dən ardıcıl üçüncü qələbə

“Kəpəz” təlim-məşq toplanışı çərçivəsində iyulun 10-da son yoxlama oyununu keçirib. Futbolxeber.az-a klubun mətbuat xidmətindən verilən məlumata görə, Gəncə klubu “Dalğa Arena”da 19 yaşlılardan ibarət Azərbaycan yığma komandası ilə qarşılaşıb. Görüş “sarı-göylər”in böyük hesablı qələbəsi ilə yekunlaşıb - 4:1.

Xatırladaq ki, bu “Kəpəz”in Bakı toplanışı çərçivəsində 3-cü qələbəsi olub. Bundan öncə Gəncə təmsilçisi “Sumqayıt”ı 1:0, AZAL-ı isə 2:1 hesabı ilə məğlub edib.