“Bəlkə Yaşar Seyidov növbəti iclasa başqa klubun nümayəndəsi kimi qatıldı?”

“Klublar Komitəsində yalnız Premyer Liqada mübarizə aparsan komandaların rəhbərləri iştirak edə bilər. Ona görə də növbəti mövsümdən “Bakı”nın vitse-prezidenti Yaşar Seyidov toplantılara qatıla bilməyəcək”. Futbolxeber.az-ın məlumatına görə, bu sözləri Klublar Komitəsinin bugünki iclasından sonra qurumun rəhbəri Tuyqun Nadirov deyib.

T.Nadirov “Bakı” rəsmisi haqda müsbət fikirlər səsləndirib: “Növbəti mövsümdə olmasa da, o birisi mövsümdən Yaşar Seyidov Klublar Komitəsinin toplantısında iştirak edə bilər. Kim bilir, bəlkə Seyidov növbəti iclasa “Bakı”nın deyil, başqa klubun nümayəndəsi kimi qatıldı? (gülür) “Bakı” I diviziona düşsə də, orada da görüləsi iş çoxdur. Seyidov Azərbaycan futbolunda ən təcrübəli şəxslərdən biridir. O, 90-cı illərdən futbolumuzun uğurları üçün çalışır”.