“Traktorsazi” çempionluğu əldən verdi

İran çempionatında mövsümə yekun vurulub. Futbolxeber.az-ın məlumatına görə, bu tura kimi lider olan “Traktorsazi” son turda öz meydanında ən yaxın izləyicisi “Naft Tahran”ı sınağa çəkib. Qapısında erkən qol görməsinə baxmayaraq, Təbriz təmsilçisi sonradan 3 qol vurmağa müvəffəq olub. 64-cü dəqiqədə azlıqda qalan “Traktorsazi”, 77 və 81-ci dəqiqələrdə qapısında qol görən Təbriz klubu qələbəni əldən verib. Oyun 3:3 hesabı ilə bitib. Bundan faydalanan “Sepahan” çempion olub. “Traktorsazi” isə mövsümü gümüş medalla başa vurub.