“Bakı” AFFA-dan narazıdı: yalnız futbolçu və məşqçilərin maaşı ödənilib

Bu gün “Bakı” klubunun üzvlərinin AFFA-ya yollanaraq 1 ayın maaşlarını alması barədə xəbər vermişdik. Lakin komandanın daxilində heç də hamı bundan məmnun deyil. Futbolxeber.az-ın məlumatına görə, AFFA-da yalnız futbolçuların və məşqçilərin maaşları ödənilib. Bu isə böyük ümidlə əmək haqqı gözləyən klubun digər əməkdaşlarının narazılığına səbəb olub. Digər klub nümayəndələrinin maaş üzünə hansı səbəbdən həsrət qalmaları barədə isə heç bir açıqlama verilməyib. Sabah klub tərəfdən bu barədə məlumat veriləcəyi gözlənilir.

Qeyd edək ki, futbolçu və məşqçilərə fevral ayının məvacibi ödənilib.