“Qəbələ” Türkiyə klubu ilə heç-heçə oynadı

Antalyada təlim-məşq toplanışını davam etdirən "Qəbələ"nin 15 yaşa qədər futbolçulardan ibarət komandası bu gün ikinci oyununu keçirib. Futbolxeber.az-ın məlumatına görə, daha əvvəl "Antalyaspor"lu yaşıdları ilə qarşılaşan təmsilçimiz (0:2), bu dəfə "Kunduspor"un U-17 komandası ilə üz-üzə gəlib. Matç 2:2 hesabilə yekunlaşıb. Təmsilçimizin heyətində Rüstəm Nuriyev və Eldost Qiyasbəyli fərqlənib. "Qırmızı-qaralar"ın toplanış çərçivəsində üçüncü - son oyunu yanvarın 18-i baş tutacaq. Rəqibin adına sabah aydınlıq gələcək.