Ramin Musayev: "Azarkeşlərlə bağlı qərarı AFFA təkbaşına qəbul etməyib"

PFL-in prezidenti Ramin Musayev qonaq azarkeşlərin “Böyük oyun”a buraxılmamasına haqda qərarın qüvvədə saxlanılmasına münasibət bildirib. Futbolxeber.az saytına verdiyi açıqlamada Musayev qeyd edib ki, bu, təkcə AFFA-nın qərarı deyil: “Bu praktikadan dünyanın müxtəlif ölkələrində də yararlanırlar. Eləcə də qardaş Türkiyədə. “Qalatasaray” və “Fənərbaxça” arasında baş tutan oyunlar zamanı qonaq azarkeşlər stadiona buraxılmır. Biz də istərdik ki, “Neftçi” və “Xəzər Lənkəran” arasında baş tutan oyunlarda qonaq azarkeşlər də iştirak etsin. Amma ötən mövsümün baş verən hadisələri hamımız çox yaxşı xatırlayırıq. Bu qərarı AFFA təkbaşına qəbul etməyib. Son insidentdən sonra hüquq-mühafizə orqanları ilə görüşümüzdə onlar da belə bir qərarın qəbul edilməsinin tərəfdarı olduqlarını bildirdilər”.