Arif Əsədov “Neftçi”yə qayıdışını şərh etdi

Yenidən “Neftçi”nin baş məşqçisi postuna qaytarıkan Arif Əsədov ona göstərilən etimada görə klub prezidenti Sadıq Sadıqova təşəkkürünü bildirib. Futbolxeber.az-ın məlumatına görə, Əsədov təyinatı ilə bağlı klubun rəsmi saytına danışıb: “İlk növbədə klub prezidenti Sadıq Sadıqova təşəkkür edirəm ki, məni yenidən “Neftçi”yə dəvət etdi. Bu komanda həmişə mənim üçün doğma olub. Həm futbolçu, həm də məşqçi kimi “Neftçi”də püxtələşmişəm. Bu komandanın hər zaman yüksək yerlər uğrunda mübarizə apardığını bilirəm. Bu komandada çempionluq sevinci yaşamışam. Çalışacağıq ki, “Neftçi”nin ötən mövsüm çempionatdakı uğursuzluğunu unutduraq”.