“2 erkən qol Azərbaycanı “sındırdı”

“Mənim fikrimcə, bu oyun Rusiya millisinin əsl gücünü ortaya qoymadı. Xüsusən də Braziliyada gördüklərimizi nəzərə alsaq”. Futbolxeber.az-ın məlumatına görə, bu sözləri Azərbaycanla oyun haqda danışarkən Rusiya millisinin sabiq üzvü Aleksandr Mostovoy deyib.

Mostovoy millimizin zəif olmadığını düşünür: “Mən demək istəmirəm ki, Azərbaycan zəif rəqibdi. Sadəcə olaraq, 2 erkən qol onları “sındırdı”. Bundan sonra artıq oyunu yekunlaşdırmaq olardı. Rusiya millisi məni heç nə ilə təəccübləndirmədi. Dünya çempionatındakı biabırçılıqdan sonra futbolçuların bu oyunda özünü göstərmək istəməsi başa düşüləndi. Azərbaycan ilk 20 dəqiqədə qapısında qol görməyib, sonradan öz oyununu sərgiləsəydi, daha maraqlı olardı. Yığmamız üçün bu, daha faydalı idi. Belədə oyun artıq 15-ci dəqiqədə bitdi”.