Fabio Kapello: “Ruslar kimi azərbaycanlılar da...”

“Fikrimcə, biz yaxşı oyun keçirdik. Komandamız sürətli oyun sərgilədi. Bir neçə gənc oyunçu heyətdə debüt etdi ki, bu da çox mümüh məqamdı. Heç bir komandanın zədə səbəbindən oyunçu itirməməsini də müsbət hal kimi dəyərləndirmək olar”. Futbolxeber.az-ın məlumatına görə, bu sözləri millimizlə oyundan sonra Rusiya yığmasının baş məşqçisi Fabio Kapello deyib.

Kapello millimizin də istəkli olduğunu bildirib: “Hər oyun yeni səhifədir. Aydın məsələdir ki, bu gün 3 xal uğrunda mübarizə getmirdi. Bu, yoldaşlıq görüşü idi. Ruslar kimi azərbaycanlılar da top uğrunda mübarizə aparırdılar. Onlar da istəkli idilər. Amma mənim xoşuma komandamın sürətli oyun sərgiləməsi gəldi. Bu gün oyun elə alındı ki, biz topu tez-tez ələ keçirir, rəqibin hücum qurmasına imkan vermirdik”.