Berti Foqts: “Onların oyunundan zövq aldım”

“Nəticə oyuna görə oldu. Rəqib biz həm sürətdə, həm də taktiki hazırlıq baxımından üstələdi”. Futbolxeber.az-ın məlumatına görə, bu sözləri Rusiya ilə oyundan sonra milli komandamızın baş məşqçisi Berti Foqts deyib.

Alman mütəxəssis növbəti oyunlardan Rusiya ilə matçdakı səhvələri təkrarlamayacaqlarına ümid edir: “Bolqarıstana qarşı keçirəcəyimiz mühüm oyundan öncə mən xeyli səhv gördüm. Ümid edirəm ki, rəsmi oyunlarda biz bunu təkrarlamayacağıq. Seçmə mərhələ oyunu olsaydı, biz fərqli futbol sərgiləyəcəkdik. Eləcə də heyət başqa cür olardı. O ki qaldı ruslara, bu gün yeni gənc və sürətli futbolçular gördüm. Onların oyunundan zövq aldım”.