“Qarabağ” “Viktoriya”nı məğlub etdi

Avstriyada təlim-məşq toplanışında olan "Qarabağ" bu gün hazırlıq prosesi çərçivəsində növbəti yoxlama matçını keçirib. Futbolxeber.az-ın məlumatına görə, Ağdam təmsilçisi Çexiyanın "Viktoriya" (Plzen) klubu ilə qarşılaşıb. Görüş “Qarabağ”ın qələbəsi ilə başa çatıb.

Xatırladaq ki, buna qədər “Qarabağ” Avstriyada keçirdiyi yoxlama görüşlərində "Şaxtyor"a (Donetsk, Ukrayna) 2, "Krasnodar"a (Rusiya) 1 cavabsız qolla məğlub olub. Əvəzində Almaniyanın "Vakker Burqhausen" klubuna 2:0 hesabı ilə qalib gəlib.

"Qarabağ" (Azərbaycan) - "Viktoriya" (Plzen, Çexiya) 3:1

Qollar: Reynaldo 3, Leroy Corc 28, Muarem Muarem 71 - Kolar 70