“Hamı cavab oyununu gözləsin”

“Bu cür oyunu gözləmirdim. Məğlub olduq. Fikrimcə, cavab qarşılaşması Azərbaycan kubokunun tarixində ən vacib oyunlardan biri olacaq”. Futbolxeber.az-ın məlumatına görə, bu sözləri “Qəbələ” ilə oyundan sonra “Xəzər Lənkəran”ın baş məşqçisi Mustafa Dənzili deyib.

Türkiyəli mütəxəssis o:3 hesablı yenilgiyə baxmayaraq, hələ də finala yüksəlmək şanslarını qaldığını bildirib: “İlk oyunda məğlub olsaq da, finala çıxmaq şansımızı itirməmişik. Bir həftədən sonra keçiriləcək cavab qarşılaşmasının necə nəticələnəcəyi hamımız görəcəyik. Hamı cavab oyununu gözləsin. 0-3 ağır hesabdır. Son sözümüzü söyləməmişik”.