Salah Misirə qələbə qazandırdı

Mərakeşdə keçirilən Afrika Millətlər Kubokunda ilk turun oyunları davam edir.

Futbolxeber.az saytının məlumatına görə, B qrupunda yer alan Misir millisi ilk matçında Zimbabve ilə üz-üzə gəlib. Komanda ilk hissədən sonra hesabda geri düşsə də, fasilədən sonra dönüş edə bilib. Matçın sonlarında Misirin ulduzu, “Liverpul”lu Mohammed Salah vurduğu qolla komandasına qələbə qazandırıb.

Misir - Zimbabve - 2:1

Qollar: Dube, 20 (0:1), Marmuş, 64 (1:1), Salah, 90+1 (2:1)

Qeyd edək ki, bu qrupda ilk turun digər oyununda da 2:1 hesabı qeydə alınıb. CAR Anqolanı məğlub edib.