“Arsenal” Draksleri transfer etmək istəyir

Yulian Draksler qarşıdakı günlərdə “Şalke”ni tərk edə bilər. Futbolxeber.az-ın məlumatına görə, “Arsenal” gənc istedadla yaxından maraqlanır. Komandanın baş məşqçisi Arsen Venger təkidlə Draksleri sərəncamında görmək istədiyini bildirib. Amma “Arsenal”ın bu keçidi reallaşdırması heç də asan görünmür. Çünki xeyli müddətdir “Real” da gənc futbolçunu transfer etmək istəyir. Ötən yay Dreaksler “Şalke” ilə müqaviləsini 5 illiyinə uzadıb. Sözləşmədəki xüsusi bəndə əsasən Draksler 40 milyon avrodan aşağı qiymətə satılmayacaq. Xatırladaq ki, cari mövsümdə Bundesliqada 14 oyunda meydana çıxan Draksler 1 dəfə fərqlənib.