Terim: “Real”la oyunda möcüzə etmək asan deyil"

Dünən Çempionlar Liqasının 1/4 final mərhələsində “Real” və “Qalatasaray” arasında keçirilən oyunda 3:0 hesabı ilə məğlub olan İstanbul klubunun baş məşqçisi Fatih Terim oyundan sonra maraqlı açıqlama verib. Futbolxeber.az-ın məlumatına görə “İmperator”, “Real”ın güclü olduğunu etiraf etsə də, hakim qərarlarından narazı qaldığını bildirib: “Real”ın "təmiz" qazanılmış qələbəsinə kölgə salmaq fikrində deyiləm. Onlar həqiqətən də bizdən üstün oynadılar. Amma  məncə, hakim bir az qorxdu. Nə verdiyi qərarlar, nə də duruşu səviyyəli hakimi omadığını göstərdi. Əlbəttə, bu bizim üçün bəhanə olmamalıdı. 3:0-dan sonra möcüzə?...  Futbolda möcüzələr ola bilər, amma, “Real”la oyunda möcüzə etmək asan deyil. Evimizdə yaxşı futbol oynayıb, səylə vuruşacağıq.  Doğrudur, hesab istədiyimiz kimi olmadı, lakin, unutmayaq ki, qarşımızda bu turnirin ən çox mükafatçısı “Real” dayanıb”.