Konte: “Bavariya” bizdən daha yaxşıydı”

 “Bu axşam çox-çox güclü bir komandaya qarşı oynadıq. “Bavariya” möhtəşəm oynadı. Düzünə qalsa, meydanda onlar bizdən daha yaxşı idi”. Futbolxeber.az-ın məlumatına görə, bu sözləri “Yuventus”un baş məşqçisi Antonio Konte dünən Çempionlar Liqasının 1/4 finalında “Bavariya”ya qarşı keçirdikləri oyundan sonra deyib. Rəqib komandanın oyununu tərif yağışına tutan Konte daha sonra bildirib: “Bavariya”nın həm fiziki, həm mübarizə aparmaq baxımından yüksək səviyyəli bir heyəti var. Almanlar ötən mövsüm ÇL-nın finalında uduzublar. Bu səbəbdən də bu mövsüm daha qətiyyətli oynuyurlar. Amma, futbol bir qeyri-müəyyənlik oyunudur. Cavab oyununda nəticəni xeyrimizə dəyişdirməyə çalışacağıq”.