İmmobile Səudiyyə Ərəbistanıdan aldığı təklifi geri çevirməsinin səbəbini açıqladı

 “Latsio”nun və İtaliya millisinin hücumçusu Çiro İmmobile yayda Səudiyyə Ərəbistanı klublarından aldığı təklifləri geri çevirməsi barədə danışıb.

Futbolxeber.az saytının məlumatına görə, “Radio RAI”yə açıqlamasında italiyalı forvard bu addımı millidəki karyerası üçün atdığını bildirib:

“Millidəki karyeramı davam etdirmək istəyirəm. Hələ də “Skuadra Adzurra”ya kömək edəcək gücü özümdə hiss edirəm. Qarşıdan isə Avropa çempionatı gəlir. Odur ki, hazırda bütün diqqətimi “Latsio”nun və millinin uğurlarına yönəltmişəm”.

Qeyd edək ki, 33 yaşlı forvard ötən mövsüm “Latsio”nun heyətində bütün turnirlər nəzərə alınmaqla 38 oyunda 14 qol vurub, 7 məhsuldar ötürmə verib. Yayda təcrübəli forvard Səudiyyə Ərəbistanıdan illik 25 milyon avroluq təklif alsa da, klubunu dəyişməkdən imtina edib.