Jardel: “Mən hələ də “Qalatasaray”lıyam”

“Qalatasaray”ın keçmiş futbolçusu Mario Jardel bu gün Çempionlar Liqasının 1/4 finalında “Real” və “Qalatasaray” arasında keçiriləcək oyun haqqında danışıb. Futbolxeber.az-ın məlumatına görə 40 yaşlı keçmiş futbolçu açıqlamasında, hələ də özünü “Cim-Bom”lu hesab etdiyini bildirib: “Maurinyo güclü məşqçidir. Ronaldo da dünyanın ən güclü futbolçularından biri sayılır. Ancaq mən hələ də “Qalatasaray”lıyam və İstanbul klubunun “Real” səfərindən sərfəli nəticə ilə qayıdacağına inanıram”.

Qeyd edək ki, Jardel 2000-ci ildə Superkubokun finalında “Real”ın qapısına iki qol vurmaqla “Qalatasaray”a bu mükafatı qazandırmışdı.