Dünyanın ən bahalı müdafiəçisi: “Daha onu saxlamağın yollarını axtarmağa ehtiyac yoxdu”

Yoşko Qvardiol “Mançester Siti”yə keçidini şərh edib.

Futbolxeber.az saytının məlumatına görə, dünyanın ən bahalı müdafiəçisi adına sahib çıxan xorvat futbolçu hər zaman İngiltərə oynamaq istədiyini bildirib:

“Özümü əla hiss edirəm. “Mançester Siti”nin bir parçası olmaq əladı. Təklif aldıqdan sonra çox düşünmək lazım gəlmədi. Xüsusən möhtəşəm mövsümdən sonra. Əslində İngiltərədə oynamağı hər zaman xəyal edirdim. Digər tərəfdən də sevinirəm ki, Erlin Hollandla bundan sonra eyni komandada çıxış edəcəm. Daha onu saxlamağın yollarını axtarmağa ehtiyac yoxdu”.

Qeyd edək ki, 21 yaşlı futbolçu “Mançester Siti” ilə 5 illik müqaviləyə imza atıb. Qvardiol yeni klubunda 24 nömrəli formanı geyəcək.