Messi 36 yaşının tamam olması haqda: “Bu, xüsusi ad günü idi”

Dünən Lionel Messini 36 yaşı tamam olub.

Futbolxeber.az saytının məlumatına görə, argentinalı ulduz budəfəki ad gününü doğma şəhəri Rosarioda qeyd edib və millidəki sabiq komanda yoldaşı Maksi Rodrigesin vida matçında iştirak edib.

Daha sonra təəssüratlarını bölüşən Messi 36-cı ad gününün xüsusi əhəmiyyət daşıdığını bildirib:

“Çoxdan idi ad günümü Rosarioda dostlarım və ailəmlə birgə qeyd etmirdim. Bu, dünya çempionluğumdan sonra ilk ad günümdür, ona görə də mənim üçün xüsusi əhəmiyyət daşıyır. Üstəlik də, Rosarioya hər səfər mənə xüsusi hisslər yaşadır. Dünya çempionu olmağım mənə böyük sevinc və qürur gətirdi. Çünki yüzlərlə argentinalı futbolçu bir çox uğurlara imza atsa da, heç vaxt dünya çempionu ola bilmədi. Biz isə bu nəticəyə nail olduğumuz üçün sevinməliyik”.

Futbolxeber.az-ın teleqram kanalına abunə olun