Robben: “Ya “Real”, ya da “Barselona”

Çempionlar Liqasının 1/4 final mərhələsində bu gün “Yuventus”u qəbul edəcək “Bavariya”nın hollandiyalı yarımmüdafiəçisi Arien Robben maraqlı açıqlama verib. Futbolxeber.az-ın məlumatına görə futbolçu, ÇL-nin finalında “Real” və ya “Barselona” ilə qarşılaşacaqlarını iddia edib: “Ötən mövsüm Avropanın ən yaxşısı ola biləcəyimizi göstərmişdik. Bu mövsüm də “Uembli”də final oynamaq istəyirik. Mənə belə gəlir ki, çempionluq uğrunda ya “Real”, ya da “Barselona” ilə mübarizə aparacağıq. Əlbəttə, “Yuve” ilə oyun asan olmayacaq. Təcrübəli futbolçuları olan bir klubla üz-üzəyik. İtaliyanlar bizə nə qədər əngəl olmağa çalışsalar da, biz qələbə qazanacağımıza inanırıq”.