Martines Ronaldonu Portuqaliya millisinə çağırmağa davam edəcək

Kriştianu Ronaldo Portuqaliya millisinin heyətinə forma geyməyə davam edəcək.

Futbolxeber.az saytının xarici KİV-ə istinadən verdiyi məlumata görə, bu barədə yığmanın baş məşqçisi Roberto Martines deyib.

Belçikalı mütəxəssis 38 yaşlı ulduzun böyük təcrübəyə malik olduğunu bildirib:

“Kriştianu Ronaldo meydanda vacib oyunçu, paltardəyişmə otağında isə mühüm insandı. O, aparıcı mövqedə çıxış edir. Ronaldo hər an matçın taleyini həll edə biləcək hücumçudu. Onun unikal təcrübəsi var. Milli komandada 198 matçda forma geymiş başqa bir futbolçu tapa bilmərsiz. Bu məqam bizim üçün çox qiymətlidi. Ümumiyyətlə, məşqçinin bu barədə hansısa qərar qəbul etməsinə ehtiyac yoxdu. Hər şeyi futbol özü həll edir. Mən vacib qərarları komandanın uğuru naminə qəbul edirəm”.

Xatırladaq ki, Kriştianu Ronaldo Portuqaliya millisində 198 görüşdə 122 qol vurub.