77 yaşlı şərhçi irqçilikdə ittiham olunur

“Sky Sports”un şərhçisi Martin Teylor “Tottenhem”in hücumçusu Son Xın Minin ünvanına irqçi fikirlər səsləndirməkdə ittiham olunur.

Futbolxeber.az saytının Britaniya mətbuatına istinadən verdiyi məlumata görə, “Liverpul” - “Tottenhem” oyunun (4:3) gedişində koreyalı rəqibinə qarşı sürüşmə fəndi edərkən 77 yaşlı şərhçi “o, topa “döyüş sənəti tərzində” gedir” ifadəsini işlədib. Azarkeşlər sosial şəbəkədə bunu müzakirəyə çıxararaq, “döyüş sənəti tərzində” ifadəsində irqçiliyə eyham vurulduğunu bildiriblər.  

“Sky Sports” bununla bağlı rəsmi açıqlama yayıb: “Martin Teylora xatırladılıb ki, bu cür ifadələrin istifadəsinə ehtiyac yoxdu. O, kimisə təhqir etmək barədə düşünməyib”.

Xatırladaq ki, Teylor İngiltərə Premyer Liqasının və Çempionlar Liqasının oyunlarının “Sky Sports”da 1990-cı ildən şərh edir.