Ançelotti: “Benzema daha gənc deyil”

“Real”ın baş məşqçisi Karlo Ançelotti komandasının transfer hədəfləri barədə danışıb.

Futbolxeber.az saytının xarici KİV-ə istinadən verdiyi məlumata görə, italiyalı mütəxəssis ilk növbədə hücum xəttini gücləndirməli olduqlarını vurğulayıb:

“Yaxın gələcəkdə biz hücumçu transfer etməliyik. Çünki Kərim Benzema daha gənc deyil. Bəli, bu gün o, işinin öhdəsindən layiqincə gəlir. Mənim Benzemadan hər hansı bir narazılığım yoxdu. Amma yeni hücumçuya ehtiyac duymağımız da faktdı”.

Qeyd edək ki, 35 yaşlı fransız forvard cari mövsüm “Real” heyətində meydana çıxdığı 35 oyunda 31 dəfə rəqib qapıçıları məyus edib.