Ten Haq: “Qalib gəlmək üçün xarakter nümayiş etdirdik”

“Mançester Yunayted”in baş məşqçisi Erik ten Haq İngiltərə kubokunun yarımfinalında “Brayton” üzərində qazanılan qələbəni (0:0, penaltilərlə - 7:6) şərh edib.

Futbolxeber.az saytının məlumatına görə, niderlandlı mütəxəssis Avroliqadakı uğursuzluqdan sonra komandasının toparlandığını bildirib:

“Sevilyada biz mövsüm ərzində ən bərbad oyunumuzu nümayiş etdirdik. Lakin daha nəyisə dəyişə bilmərik. İndi vacib olan səhvlərdən nəticə çıxarmaqdı. Bugünkü matç göstərdi ki, biz özümüzə gəlmişik. Ağır məğlubiyyətdən 3 gün sonra vuruşduq, xarakter nümayiş etdirdik. Bununla da həm fiziki, həm də mənəvi cəhətdən güclü olduğumuzu göstərdik. İşimiz asan deyildi, amma öhdəsindən gəldik”.

Qeyd edək ki, “Mançester Yunayted” İngiltərə kubokunun finalında “Mançester Siti” ilə üz-üzə gələcək. Həlledici qarşılaşma iyunun 3-də “Uembli”də keçiriləcək.