Ançelotti: “Onun “Real”da qalacağına ümid edirəm”

“Real”ın baş məşqçisi Karlo Ançelotti mövsümün sonunda müqaviləsi başa çatacaq Marko Asensionun klubda qalacağına ümid edir.

Futbolxeber.az saytının məlumatına görə, mətbuat konfransında italiyalı mütəxəssis bu barədə sualı belə cavablandırıb:

“Markonun oyunu çox xoşuma gəlir. Təbii ki, digər klublar da onun çıxışını bəyənirlər. Amma mən Asensionun başqa klubda forma geyməsini istəməzdim. Bu səbəbdən də onun “Real”da qalacağına ümid edirəm. İnanıram ki, tezliklə klubla futbolçu arasında aparılan danışıqlar müsbət yekunlaşacaq”.

Qeyd edək ki, “Real”la sözləşməsi bu yay başa çatacaq 27 yaşlı futbolçu cari mövsüm bütün turnirlər nəzərə alınmaqla meydana çıxdığı 40 matçda 10 qol vurub, 6 məhsuldar ötürmə verib.