Klopp: “Bu qələbə uzun müddət tarixdə qalacaq”

“Liverpul”un baş məşqçisi Yurgen Klopp “Mançester Yunayted”lə oyundan danışıb.

Futbolxeber.az saytının “Sky Sports”a istinadən verdiyi məlumata görə, alman mütəxəssis 7:0 hesablı qələbəni belə şərh edib:

“Bu, inanılmaz idi. Oyun çox maraqlı başlamışdı. Hər iki tərəf xoşbəxtliyi hücumda axtarırdı. Əsl futbol məhz belə olmalıdı. Biz əla formada olan komandaya qarşı möhtəşəm oyun sərgilədik. “Mançester Yunayted” super mövsüm keçirir. Lakin bizim haqqımızda eyni sözləri demək olmaz. Bu gün vacib 3 xal qazandıq. Qarşıda hələ 13 tur var. Biz hələ iş başındayıq. “Liverpul” məhz belə oynamalıdı. İddia etmirəm ki, hər dəfə belə hesabla qələbə qazanmalıyıq. Amma meydanda məhz bu cür çalışmalıyıq. Sonuncu dəfə bu cür inanılmaz hesabla nə vaxt qalib gəldiyimizi xatırlamıram. Bu, qələbə uzun müddət tarixdə qalacaq”.