Millimizin sabiq futbolçusu Həbib Nurəhmədovu öz klubunda görmək istəyir

Rusiyanın üçüncü divizionunda çıxış edən “Legion-Dinamo” futbol klubunun prezidenti, Azərbaycan millisinin sabiq üzvü Şamil Lahiyalov UFC üzrə keçmiş dünya çempionu Həbib Nurəhmədov barədə maraqlı açıqlama verib.

Futbolxeber.az saytının məlumatına görə, Lahiyalov Nurəhmədovu Mahaçqala klubunda çıxış etməyə razı salmağa çalışdıqlarını bildirib:

“Biz real olaraq bu məsələni müzakirə edirik. Həbib qəti şəkildə təklifimizi geri çevirsəydi, bu məsələ barədə danışmazdıq. Baş məşqçimiz onunla əlaqədədi. Hər dəfə bu məsələni məşqçiyə xatırladıram. Nurəhmədov bizim problemlərimizi həll edə bilər. O, təklifimizi qəbul etsə, stadionda anşlaq olacaq. On minlərlə insan Həbibin peşəkar futboldakı debütunu canlı izləməyə can atardı”.