Kroosun 6-cı dünya çempionluğu

“Real”ın yarımmüdafiəçisi Toni Kroos növbəti dəfə Klublarası dünya çempionatının qalibi olub.

Futbolxeber.az saytının “Mundo Deportivo”ya istinadən verdiyi məlumata görə, bu nəticə ilə alman yarımmüdafiəçi öz rekordunu yeniləyib. Belə ki, o, buna qədər 5 çempionluqla Klublararası dünya çempionatının ən çox qalibi olmuş futbolçu idi. İndi isə Kroos nəticəsini daha da yaxşılaşdırıb.

33 yaşlı futbolçu 2014, 2016, 2017 və 2018-ci illərdə “Real”, 2013-cü ildə isə “Bavariya” ilə dünya çempionu olub.