Xavi: “Onlar “Real” kimi bizi də asanlıqla məğlub edə bilərlər”

“Barselona”nın baş məşqçisi Xavi Hernandes La Liqanın 21-ci turunda “Vilyarreal”a qarşı keçirəcəkləri oyun barədə danışıb.

Futbolxeber.az saytının xarici KİV-ə istinadən verdiyi məlumata görə, ispan mütəxəssis bildirib ki, “Real” kimi onun komandası da səfərdən xalsız qayıda bilər:

“Kike Setyen əla məşqçidir. O da bizim tətbiq etmək istədiyimiz sistemdən faydalanır. Setyen də xoşlayır ki, futbolçuları topa nəzarət etsin. O, komandasını çox yaxşı idarə edir. “Vilyarreal” əla formadadı, son turda “Elçe”yə uduzmasına baxmayaraq. Rəqib bizi asanlıqla məğlub edə bilər, “Real”a qalib gəldikləri kimi”.

Qeyd edək ki, “Vilyarreal” - “Barselona” oyunu sabah gecə Bakı vaxtı ilə 00:00-da start götürəcək.