“Leyspiq” 19 oyundan sonra uduzdu

Almaniyanın “Leypsiq” klubunun məğlubiyyətsiz oyunlar seriyası başa çatıb.

Futbolxeber.az saytının xarici KİV-ə istinadən verdiyi məlumata görə, komanda Bundesliqanın 20-ci turunda öz meydanında “Union Berlin”ə 1:2 hesabı ilə uduzub. Bu, cari mövsümdə ölkə çempionatındakı 4-cü məğlubiyyətdir.

“Leypsiq” son 18 oyundan 14-də qalib gəlib, 4 dəfə heç-heçə edib. Marko Rosenin komandası sonuncu dəfə sentyabrın 17-də Münhenqladbax “Borussiya”sına 0:3 hesabı ilə uduzmuşdu. Komanda növbəti turda “Volfsburq”un qonağı olacaq.

Qeyd edək ki, “Leypsiq” hazırda 36 xalla beşinci pillədə qərarlaşıb.