Mahirə qayıdışını qolla qeyd etmək üçün 7 dəqiqə bəs etdi

Xorvatiya çempionatında 3-cü turun oyunları keçirilir.

Futbolxeber.az saytının məlumatına görə, Mahir Emrelinin çıxış etdiyi Zaqreb “Dinamo”su doğma meydanda “İstra 1961” ilə qarşılaşıb. Futbolçumuzun komandası bu oyundan qələbə ilə ayrılıb - 4:1.

Mahir də bu görüşün iştirakçısı olub. Zədədən yeni qayıdan futbolçu 81-ci dəqiqədə meydana daxil olub və 7 dəqiqə sonra komandasının 4-cü qolunu vurub. Bu, Mahirin yeni mövsümdə "Dinamo"da ilk qolu olub.

Qeyd edək ki, “Dinamo” 3 turdan sonra 9 xalla ilk pillədə qərarlaşıb.