Sneyder: “O, mənim üçün ikinci atadır”

“Qalatasaray”ın hollandiyalı yarımmüdafiəçisi Uesli Sneyder Çempionlar Liqasının 1/4 final mərhələsində “Real”la keçirəcəkləri oyun haqqında danışıb. Futbolxeber.az-ın məlumatına görə futbolçu açıqlamasında, bir vaxtlar eyni klubda çalışdığı baş məşqçi Joze Maurinyo barədə də xoş sözlər deyib: “Real”da çox gözəl anlarım keçib. Orada yaxşı dostlar qazanmışam. İlk mövsümü də əla keçirdim, amma ikinci mövsümdə bəzi problemlər səbəbindən komandadan ayrılmaq fikrinə düşdüm. Maurinyoya qarşı oynamaq qərib olacaq. İndi mən Türkiyədəyəm, o isə Madriddədi. Bax, futbol belə bir peşədi. “İnter”də karyeramın ən zirvə nöqtəsinə Maurinyo ilə yüksəlmişəm. O, mənim üçün ikinci atadır. Maurinyo, bütün futbolçular üçün bir enerji mənbəyidir”.