"Rubin"in məğlubiyyətsiz oyunlar seriyası 16-ya çatdı

Dünən Avroliqanın qrup mərhələsinin ilk turuna "Maribor"u 5:2 hesabı ilə darmadağın edən "Rubin" bununla da bəzi rekordlara imza atıb. Futbolxeber.az-ın məlumatına görə, Kazan klubu Sloveniyadan qələbə ilə qayıtmaqla yenilgisiz oyunlar seriyasının 16-ya çatdırıb ki, bu da Rusiya klubları üçün rekord göstəricidir. Kazan klubu artıq 4 aydır ki, yenilgi acısı dadmır. Bu müddət ərzində "Rubin" Avroliqada son 8 matçının qələbə ilə başa vurub: "Çelsi" (3:2), "Yaqodina" (3:2, 1:0), "Randers" (2:1, 2:0), "Мölde" (2:0, 3:0) və "Maribor".

"Maribor"a 5 qol vurmaqla "Rubin" UEFA kuboku, daha sonra isə Avroliqa adlanan turnirin qrup mərhələsində 1 oyunda ən çox qol vuran rus klubu adına sahib çıxıb.