“Qarabağ”ın bacarmadığını “Qalatasaray” etdi

Türkiyə Superliqasında 8-ci tura yekun vurulub.

Futbolxeber.az saytının məlumatına görə, turun son oyununda Avroliqanın qrup mərhələsində “Qarabağ”ın rəqibi olan “Sivasspor”u “Qalatasaray”ı qəbul edib.

Matç İstanbul klubunun 2:1 hesablı qələbəsi ilə başa çatıb. “Qalatasaray”a qələbə gətirən qolları Belhanda və Arda Turan vurub.

“Sivasspor”un təsəlli qoluna isə Osmanpaşa imza atıb. Rıza Çalımbayın komandası ilk hissənin sonlarında penaltidən yararlana bilməyib.

Bu yenilgidən sonra əvvəlki kimi 8 xalda qalan “Sivasspor” 15-ci pillədə qərarlaşıb. Ardıcıl üçüncü qələbəsini qazanan “Qalatasaray” isə üçüncü pilləyə yüksəlib. 16 xalı olan “Cim-Bom” şərikli lider olan “Alanyaspor” və “Fənərbaxça”dan 1 xal geri qalır.

Xatırladaq ki, “Sivasspor” “Qalatasaray”dan öncə öz meydanında “Qarabağ”ı qəbul etmişdi. Avroliqanın qrup mərhələsinin üçüncü turuna təsadüf edən həmin görüş təmsilçimizin 0:2 hesablı məğlubiyyəti ilə tamamlanmışdı.