Kamranın komandası Rusiya Premyer Liqasında

Rusiyanın “Ximki” klubu növbəti mövsümdən Premyer Liqada çıxış edəcək.

Futbolxeber.az saytının məlumatına görə, bu haqda Moskva vilayətinin idman naziri Roman Teryuşkov açıqlama verib.

O, koronavirusa görə yarımçıq dayandırılan birinci divizionda 2-ci pillədə qərarlaşan paytaxt təmsilçisinin elitada iştirak hüququ qazandığını deyib.

U-21 millimizin sabiq üzvü Kamran Əliyevin çıxış etdiyi komandanın maliyyə problemlərinə görə Premyer Liqada oynamayacağı bildirilirdi. Teryuşkov artıq bu məsələni də yoluna qoyulduğunu, klubun yeni sponsorlarla anlaşdığını deyib.

Qeyd edək ki, "Simurq"un sabiq baş məşqçisi Sergey Yuranın çalışdırdığı “Ximki” bu mövsüm Rusiya kubokunun finalına da vəsiqə qazanıb.