“Mən kartof kisəsi deyiləm”

"Barselona”nın yarımmüdafiəçisi İvan Rakitiç klubdan gedəcəyi, eləcə də “İnter”dən Lautar Martinesin keçidində yer alacağı haqda yayılan xəbərlərə münasibət bildirib.

Futbolxeber.az saytının “Mundo Deportivo”ya istinadən verdiyi məlumata görə, xorvat yarımmüdafiəçi deyilənlərə sərt reaksiya göstərib:

“Mən kartof kisəsi deyiləm. Gələcəyimlə bağlı qərarı özüm verirəm. Lazım olduğum, sevildiyim və hörmət gördüyüm yerdə oluram həmişə. “Barselona”dan getsəm, özüm istədiyim kluba keçəcəyəm”.

Qeyd edək ki, Rakitiçin “Barselona” ilə müqaviləsi 2021-ci ilin iyununda başa çatır.