Eddinin komandası qələbəni əldən verdi

İspaniya Sequndasında 23-cü turun oyunları keçirilir.

Futbolxeber.az saytının məlumatına görə, millimizin yarımmüdafiəçisi Eddi İsrafilovun formasını geydiyi “Albasete” öz meydanında “Fuenlabrada” ilə qarşılaşıb.

Görüş 1:1 hesabı ilə yekunlaşıb. 18-ci dəqiqədə hesabı açan İsrafilovun komandası sona 8 dəqiqə qalmış qapısında qol görməklə qələbəni əldən verib.

90 dəqiqə meydanda olan millimizin yarımmüdafiəçisi 64-cü dəqiqədə sarı vərəqə ilə cəzalanıb.

Qeyd edək ki, 22 oyundan sonra 28 xalı olan “Albasete” 22 komanda arasında 15-ci yeri tutur.