"Trabzonspor"a ən azı 2-3 qol vurmalıydıq"

Minsk "Dinamo"sunun baş məşqçisi Robert Maaskant Avroliqanın üçüncü təsnifat mərhələsinin ilk oyunu çərçivəsində öz meydanlarında "Trabzonspor"a 0:1 hesabı ilə uduzduqları görüşü şərh edib. Futbolxeber.az-ın məlumatına görə, Maaskant ən azı 2-3 qol vurmalı olduqlarını bildirib: "Trabzonspor"a qarşı yaxşı oynadıq. Xüsusən də ilk yarıda daha üstün idik. Amma təəssüflər olsun ki, bunu nəticədə əks etdirə bilmədik. Halbuki şanslarımızı dəyərləndirsəydik, nəticə tam fərqli olacaqdı. "Trabzonspor"a ən azı 2-3 qol vurmalıydıq. İndi qarşıda cavab matçı var. Trabzonda baş tutacaq ikinci matçda uğur qazanmaq üçün əlimizdən gələni edəcəyik. Ümidimizi itirməmişik. Öz meydanımızda uduzsaq da, hələ də şansımız var və bundan yararlanmağa çalışacağıq".