Türkiyə, İtaliya və İngiltərə Avropa çempionatında

19 yaşadək futbolçular arasında bu yay keçiriləcək Avropa çempionatının seçmə mərhələsi yekunlaşmaq üzrədir.

Futbolxeber.az saytının məlumatına görə, artıq 2 qrupda Elit raundun oyunlarına yekun vurulub.

Bu gün Bosniya və Hersoqovinanı 2:1 hesabı ilə məğlub edən Türkiyə millisi 7 xalla 7-ci qrupun qalibi adını qazanmaqla qitə birinciliyinə vəsiqə qazanıb. “Ay-ulduzlular” turnir cədvəlində Bosniya ilə yanaşı, Danimarka və Avstriya millilərini də qabaqlayıb.

Üçüncü qrupun qalibi İtaliya olub. 7 xalla qrup birincisi olan “Skuadra Adzurra” Polşa, Yunanıstan və Çexiyanı qabaqlayıb.

İngiltərə millisi isə ikinci qrupun birincisi olub. Bu gün gözlənilmədən Makedoniyaya 0:2 hesabı ilə uduzması britaniyalıların birinci olmağına ma olmayıb. Maraqıdır ki, İngiltərə millisi kimi Latviya  da qrupu 6 xalla tamamlayıb. Yalnız şəxsi oyunlardakı qələbə (3:0) ingilisləri qrup qalibi edib.

Qeyd edək ki, U-19-ların qitə birinciliyi Finlandiyada keçiriləcək.