"Jilina"nın baş məşqçisi: "Ramil oyun ülubumuza uyğun gəlmədi"

“Şeydayev ümidlərimizi doğrultmadı. Hərçənd, o, komandaya yeni qoşulanda yaxşı təsir bağışlayırdı".

 

Futbolxeber.az saytının məlumatına görə, bu sözləri Slovakiyanın "Jilina" klubunun baş məşqçisi Adrian Qula deyib.

 

Azərbaycan milli komandasının futbolçusu Ramil Şeydayevin Çempionlar Liqasında təmsilşimiz "Qarabağ"a transfer olunmasından  danışan 42 yaşlı mütəxəssisin fikrincə, gənc hücumçumuz ilk vaxtlarda sərgilədiyi oyun onlara ümid verib: "Enerjimizi yeni oyunçuların yetişdirilməsinə yönəltmişik və bu, "Jilina"nın fəlsəfəsidi. Ramil də perspektivli futbolçudu. Ancaq o, oyun ülubumuza uyğun gəlmədi. Şeydayevə “Jilina” formasını geyindiyinə və ölkəmizdə çıxış etdiyinə görə təşəkkür edirəm”.

 

Slovakiya çempionu Şeydayevi qışda “Trabzonspor”dan 1,5 illik icarəyə götürmüşdü. 21 yaşlı hücumçumuz “Jilina”nın heyətində ümumilikdə 13 oyunda 5 qol vurub.

 

Xatırladaq ki, Şeydayev karyerasını onu Türkiyə klubundan 1 illiyə icarəyə götürən “Qarabağ”da davam etdirəcək.