Onil: "Dallasın Azərbaycana vurduğu qol bizə həyat verdi"

DÇ-2018-in seçmə mərhələsində Azərbaycan yığması ilə eyni qrupda qərarlaşan Şimali İrlandiya millisi bu gün növbəti matçına çıxacaq. Britaniyalılar səfərdə San Marino ilə qarşılaşacaq.

 

Futbolxeber.az saytının məlumatına görə, oyundan əvvəl Şimali İrlaniya millisinin baş məşqçisi Maykl Onil açıqlama verib. O, rəqibə ciddi yanaşdıqlarını bildirib:

 

"Azərbaycana, Çexiyaya və Almaniyaya qarşı necə oynamışıqsa, San Marino ilə matçda da belə olacaq. Rəqibi qiymətləndiririk. Futbolçularımda qələbə inamı var. 1:0 və 6:0 hesablı qələbənin bizim üçün heç bir önəmi yoxdur. Əsas odur ki, oyundan 3 xalla ayrılaq".

 

Mütəxəssis qrupun digər matçları barədə fikirlərini bildirib:

 

"Almaniya və Çexiya oyunu qrup üçün vacib matçdır. Almaniya favoritdir, Çexiyaya isə qələbə lzımdır. Bu oyunun nəticəsi bizim üçün çox əhəmiyyətlidir. Azərbaycan isə səfərdə Norveçə çətinlik yaradacaq. Buna əminəm".

 

Onil dünya çempionatının final mərhələsinə vəsiqə qazanmaq üçün əllərindən gələni edəcəklərini söyləyib:

 

"Şübhə yoxdur ki, Stüart Dallas Azərbaycana səfərdə vurduğu qolla bizə həyat verdi. Bu, bizim üçün böyük və lazım olan nəticə idi. Norveç və Çexiyanın heç-heçə etməsi isə bizə əlavə şans verdi. Yaxşı şansımız var və bu fürsətdən yararlanmaq istəyirik. Ötən il Avropa çempionatında yaxşı təsir bağışlamışdıq. İndi isə hədəfimiz dünya çempionatının final mərhələsinə yüksəlməkdir. Buna görə də bura qələbə üçün gəlmişik".

 

Qeyd edək ki, San Marino - Şimali İrlandiya matçı Bakı vaxtı saat 22:45-də başlayacaq.