Ronaldo Portuqaliya millisindən ayrılır

Kriştianu Ronaldo Konfederasiyalar Kubokunun yarımfinalında oyunsonrası penaltilərdə Çiliyə uduzan (0:3) Portuqaliya millisinin düşərgəsindən ayrılır.

Futbolxeber.az saytının məlumatına görə, turnirdən öncə ulduz futbolçunun 2 övladı dünyaya gəlib. Buna baxmayaraq, Ronaldo yığmanın uğuru üçün körpələrini görmək üçün yığmanın düşərgəsini tərk etməyib.

Lakin Portuqaliya millisi finala yüksəlmədiyindən Ronaldo övladlarının yanına yollanacaq və bürünc medal uğrunda qarşılaşmada forma geyməyəcək. Bu barədə qərar dünənki yenilgidən sonra qəbul olunub. Əgər Portuqaliya finala yüksəlsəydi, Kriştianu övladlarını bir qədər gec görəcəkdi.

“Mən tam olaraq millinin oyunlarına köklənmişdim. Baxmayaraq ki, 2 övladımın dünyaya gəldiyini bilirdim. Təəssüf ki, biz qarşıya qoyulan hədəfə çata bilmədik. Konfederasiyalar Kubokunu qazanmasaq da, gələcəkdə də azarkeşlərimizi sevindirmək üçün çalışacağıq.

Portuqaliya Futbol Federasiyasının prezidenti və millinin baş məşqçisinin mənə qarşı etdiklərindən kövrəldim. Bunu heç vaxt unutmayacağam. Onlar övladlarımın yayına yollana biləcəyimi bildirdilər. Nəhayət ki, ilk dəfə olaraq onları görəcəyəm” - deyə Ronaldo feysbukda yazıb.

Məsələ ilə bağlı Portuqaliya Futbol Federasiyasının prezidenti Fernando Qomes də açıqlama verib:

“Ronaldonun övladları turnirdən öncə dünyaya gəldilər. Başa düşürük ki, biz Konfederasiyalar Kubokunu qazanmaq şansını itirmişik. Bu səbəbdən də Ronaldoya nəhayət ki, körpələrini görmək üçün şərait yaratmalıyıq”.

Qeyd edək ki, Ronaldonun 2 övladı dünyaya gəlib. Oğlan uşağına Mateo, qıza isə Eva adı verildiyi deyilir. Daha əvvəl isə Ronaldonun bir oğlu var idi. Hazırda o, 6 yaşındadı.