“Osvaldonun başqa bir kluba keçidi qeyri-mümkündü”

 “Tottenhem”in transfer siyahısının başında yer alan Pablo Osvaldo “Roma”da qalacaq. Futbolxeber.az xəbər verir ki, bu haqda futbolçunun meneceri məlumat verib. Argentina əsilli italiyan futbolçunun meniceri David Dekoud bu barədə danışarkən belə deyib: “Osvaldo hal-hazırda komandaya tam uyğunlaşmış bir formadadı. Bununla belə o, baş məşqçinin etimadını qazanmaq üçün əlindən gələni edir. “Roma” rəhbərliyinin də onu satmaq fikrində olmadığını dəqiq bilirəm. Bir sözlə, Osvaldonun bu yaxın vaxtlarda başqa bir kluba keçidi qeyri-mümkündü”.

Qeyd edək ki, Pablo Osvaldo bu günədək “Roma”nın heyətidə 42 oyuna çıxıb və 22 qol vurub.